نائب صدر وشاکھا پٹنم کے دورے پر

وشاکھا بار ایسوسی ایشن کی ایک سو پچیس سالہ تقریب کا وشاکھا پٹنم میں انعقاد عمل میں آیا، تقریب کے مہمان خصوصی نائب صدر جمہوریہ ایم وینکیا نائیڈو نے کہا کہ وشاکھا پٹنم سے انکا گہرا تعلق ہے، ان کی ترقی کا دور وشاکھا پٹنم سے شروع ہوا اور اس لئے وہ اس شہر اور یہاں کی عوام کے بے حد قریب ہیں۔

اس موقع پر نائب صدر جمہوریہ ہند وینکیا نائڈو نے خطاب کرتے ہوئے ملک کی ثقافت کا تحفظ کرنے بھارتیوں پر زور دیا۔اور اس کے بعد انھوں نے رواداری کو اپنانے کا مشورہ دیا۔
نائب صدر جمہوریہ نے ایک سو پچیس سال مکمل کرنے پر بار اسوسی ایشن کو مبارکباد دی،انھوں نے ججس اور وکیلوں کو قانونی اقدار کے تحفظ کا مشورہ دیا۔
اس موقع پر نائب صدر جمہوریہ ہند وینکیا نائڈو نے مجرمانہ تاریخ رکھنے والے سیاسی قائدین کے مقدمات کو فاسٹ ٹراک کورٹس کے ذریعہ جلد فیصلے دینے کی تجویز دی۔