پولیس ذرائع کے مطابق بلیا کی رہنے والے لڑکی نے غازی پور کے باشندہ اتل رائے پر گذشتہ سال مارچ تا نومبر کے دوران لنکا علاقے میں جنسی استحصال کرنے کا الزام لگایا ہے۔ اس ضمن میں لڑکی نے بدھ کو شکایت دی تھی اور اسی کے تحت دیر رات مقدمہ درج کیا گیا ہے۔
عرضی گذار نے تحریر میں لکھا ہے کہ وارانسی کے ایک مشہور کالج میں طلبا یونین الیکشن کے دوران وہ اتل رائے کے رابطے میں آئی تھی، الزام ہے کہ رائے نے سیاسی میدان میں مدد کرنے کا جھانسہ دیا اور پھر کئی ماہ تک اسے بلیک میل کر کے اس کا جنسی استحصال کیا۔
متاثرہ کا الزام ہے کہ جب اس نے رائے کی اس حرکت کی مخالفت کی تو رائے نے اسے برا انجام بھگتنے کی دھمکی دی تھی جس کی وجہ سے وہ پولیس میں شکایت کرنے کی ہمت نہ کرسکی۔
واضح رہے کہ ساتویں اور آخری مرحلے میں اترپردیش کے 13 پارلیمانی سیٹوں کے ساتھ گھوسی پارلیمانی سیٹ پر 19 مئی کو ووٹنگ ہوگی۔اتل رائے یہاں ایس پی۔ بی ایس پی اتحاد کے امیدوار ہیں۔
