اننت ناگ کے لارنو کوکرناگ علاقے میں پارٹی کارکنوں کے ایک جلسے سے خطاب کے بعد عمر عبداللہ نے کٹھوعہ میں نریندری مودی کی جانب سے دیے گئے بیان پر ردعمل کا اظہار کیا۔
انہوں نے کہا کہ اگر کسی مخصوص خاندان نے کشمیر کو تباہ کیا ہے پھر جموں و کشمیر میں حکومت بنانے کے لیے مودی نے مفتی خاندان کے ساتھ ہی ہاتھ کیوں جوڑا؟ انہوں نے کہا کہ نیشنل کانفرنس ریاست میں 1953 سے قبل کی پوزیشن کو بحال کر کے ہی دم لیں گی۔
عمر عبداللہ کا وزیر اعظم پر طنز
اس موقعے پر اننت ناگ پارلیمانی نشست کے پارٹی امیدوار ریٹائرڈ جسٹس حسنین مسعودی، سابق جسٹس سید توقیر اور پیر محمد حسین سمیت دیگر رہنماؤں نے بھی خطاب کیا۔
انہوں نے پارٹی کارکنوں سے تلقین کی کہ وہ پارٹی امیدوار حسنین مسعودی کو بھاری اکثریت سے کامیاب بنانے کے لیے یک جٹ ہوکر سرگرم ہو جائیں۔
