آندھی اور طوفان کے سبب پروازیں متاثر

دارالحکومت دہلی اور قرب و جوار میں تیز آندھی اور طوفان آنے سے پروازیں متاثر۔

طوفان کی وجہ سے یہاں اندرا گاندھی بین الاقوامی ہوائی اڈے پر تقریبا 35 منٹ تک پروازیں مکمل طور پر بند رہیں اور اس دوران دہلی آنے والے27طیاروں کو دوسری جگہوں پر اتارنا پڑا۔

دہلی ہوائی اڈے کے ایک ترجمان نے بتایا کہ دھول بھری آندھی آنے سے پہلے آخری ہوائی جہاز شام چھ بجکر 36 منٹ پر اترا تھا اور آخری پرواز چھ بجکر 38 منٹ پر روانہ ہوئی تھی۔

آندھی کے بعد شام سوا سات بجے ہوائی اڈے پر طیاروں کی آمدورفت شروع ہوئی۔ ترجمان نے بتایا کہ آندھی-طوفان کی وجہ سے دہلی آنے والے 27 طیاروں کو دوسرے ہوائی اڈوں پر اتارا گیا۔