تلنگانہ کابینہ کا اجلاس ہفتے کو منعقد ہونے والا ہے جس میں کووڈ 19 لاک ڈاؤن اور زراعت پر مانسون کے اثرات سمیت اہم امور پر تبادلہ خیال کیا جائے گا۔
ریاستی حکومت کی ایک ریلیز میں جمعہ کو کہا گیا ہے کہ "ریاستی کابینہ کا ہنگامی اجلاس ہفتہ کے روز دو بجے وزیر اعلی کے چندرشیکھر راؤ کی صدارت میں پرگتی بھون میں منعقد ہوگا۔"
اس میں کہا گیا ہےکہ کابینہ کے اجلاس میں"ریاست میں لاک ڈاؤن، بارش، مانسون کے سیزن میں کاشت، زراعت سے متعلق موسمی امور، گوداوری پانی کی سپلائی، ہائیڈل بجلی پیدا کرنا اور دیگر امور پر تبادلہ خیال کیا جائے گا۔ "
ریاست میں جاری لاک ڈاؤن آج ختم ہورہا ہے۔ اس وقت، لاک ڈاؤن کے دوران صبح 6 بجے سے شام 5 بجے کے درمیان نرمی دی گئی ہے اور شام 6 بجے تک ایک گھنٹہ کے لئے اضافی مہلت بھی دی ہے تاکہ لوگ دفاتر سے گھر پہنچ سکیں۔
