جسٹس نوین سنہا اور جسٹس اجے رستوگی کی تعطیلی ڈویژن بنچ نے کیرالہ ہائی کورٹ کے 18 مارچ 2021 کے اس حکم کو مسترد کردیا جس کے تحت اس نے رتیش کو دی گئی ضمانت کو مسترد کردی تھی۔
رتن راجن کے قتل کی کوشش کے الزام میں مارچ 2014 میں رتیش کے خلاف مقدمہ شروع کیا گیا تھا ، ایڈیشنل سیشن جج نے 31 اکتوبر 2017 کو رتیش کو عمر قید کی سزا سنائی تھی ، جسے انہوں نے ہائی کورٹ میں چیلنج کیا تھا۔
ہائی کورٹ نے مارچ 2018 میں نچلی عدالت کی جانب سے ان کو دی جانے والی سزا پر روک لگاتے ہوئے اسے کچھ شرائط کے ساتھ ضمانت پر رہا کرنے کا بھی حکم دیا تھا۔
رتیش ایک بار پھر اس وقت سرخیوں میں آیا تھا جب ایک فلم کے سیٹ پر ہنگامہ آرائی کرنے میں اس کا نام بھی شامل تھا۔ اس کے بعد ریاستی حکومت اور راجن نے ہائی کورٹ سے درخواست ضمانت منسوخ کرنے کی اپیل کی تھی اور ان کی ضمانت 18 مارچ کو منسوخ کردی گئی ، جسے انہوں نے اعلی عدالت میں چیلنج کیا تھا۔
عدالت عظمیٰ کے تعطیلی ڈویژن بنچ نے آج رتیش کی جانب سے پیش سینئر ایڈووکیٹ آر بسنت کی دلیلیں سننے کے بعد آج ہائیکورٹ کے حکم کو منسوخ کردیا۔
