پروگرام کے کنوینر اور طلبا یونین کے سکریٹری حذیفہ عامر نے بتایا ہے کہ اس دو روزہ روزگار میلے میں گوگل، آئی بی ایم، ایچ سی ایل،برٹش ایئر ویز،آئی سی آئی سی آئی بینک، زو میٹو، بارکلیز، ایڈوپ اور سل رس جیسی باوقار کمپنیاں شامل ہیں جو اے ایم یو کے طلبا کی اپنے یہاں تقرریاں کریں گی۔
حذیفہ عامر نے بتایا کہ روز گار میلےمیں حصہ لینے کے لیے اب تک تقریباً بارہ سو طلبہ و طالبات اپنا رجسٹریشن کراچکے ہیں اور مستقبل میں مزید طلبہ و طالبات کے رجسٹریشن کرانے کے امکانات ہیں۔
انہوں نے بتایا کہ اے ایم یو طلبا یونین اس امر کے لیے کوشاں ہے کہ یہاں کے طلبہ کو باوقار کمپنیوں میں روزگار کے مواقع دستیاب ہوں اور طلبہ یونین کی پہل پر یونیورسٹی میں روزگار میلے کا آغاز کیا گیاہے۔
انہوں نے کہا کہ اے ایم یو طلبا یونین ملک کی مرکزی یونیورسٹیوں میں واحد طلبا یونین ہے جو اس قسم کے روزگار میلے کا انعقاد کر رہی ہے۔
روزگار میلے کا افتتاح20 اپریل کو کینیڈی ہال میں ہوگا اور انٹرویو کا عمل آرٹس فیکلٹی میں تکمیل پائے گا۔
