رکن اسمبلی اور ایس پی رہنما ابوعاصم اعظمی نے مانسون اجلاس کے دوران مطالبہ کیا کہ عید قرباں کے دوران ممبئی کے مضافات میں عارضی مذبح قائم کیا جائے ۔
بجٹ اجلاس میں بحث کے دوران اعظمی نے کہا کہ مذہبی مقامات کی سیاحت کو فروغ دینے کے لیے 35 کروڑ روپے منظور کیا گیا ہے یہ خوش آئند ہے۔
لیکن اس میں مساجد اور درگاہوں کو بھی شامل کیا جائے اعظمی نے بتایا کہ اس بار چونکہ بارش کے دوران عید قرباں کا تہوار منایا جائےگا۔ ایسے میں جانوروں کے تحفظ کے لیے شیلٹر تیار کیے جائیں ۔
اعظمی نے بتایا کہ باندرہ کا سلاٹر ہاؤس 1970 ء میں بند کر دیا گیا اسے دیونار لے جایا گیا ممبئی میں تقریبا 3 لاکھ بکرے اور ہزاروں جانور لائے جاتے ہیں ۔
ایسے میں قربانی کے لیے ممبئی کے مضافات میں جگہ جگہ عارضی مذبح بنایا جائے اعظمی نے بتایا کہ ممبئی کے مالونی میں مذبح کی ضرورت وہاں مذبح کا قیام عمل میں لائے جائے۔
