سکھوں کے اس عمل سے شہر میں آپسی محبت اور اتحاد کی مٹھاس میں اضافہ ہو رہا ہے۔ تاریخی شہر رامپور میں صرف مسلمان ہی نہیں بلکہ برادران وطن بھی عید کی خوشیوں میں مسلمانوں کے ساتھ شامل ہو رہے ہیں۔
شہر میں سکھ برادری سے تعلق رکھنے والے لوگ عید کے تیسرے دن تک مسلمانوں کی خاطر تواضع کرتے ہیں اور انہیں شربت پلاتے ہیں۔
گزشتہ چھ برسوں سے میرٹھ 'سکھ سماج' عید کے موقع پر راہگیروں کو شربت پلانے کا اہتمام کرتی ہے۔
تنظیم سے وابستہ تنویند سنگھ کا کہنا ہے کہ گزشتہ کچھ برسوں میں فرقہ وارایت اور نفرتوں کے سوداگروں نے اقتدار کی دہلیز تک پہنچ کر اپنے پنجے جمائے ہیں۔ نفرتوں کو جس تیزی سے ہوا دی جا رہی اس سے عام بھارتیوں کے دلوں خوف و ہراس پیدا ہو گیا ہے۔
ایک دوسرے کے تہواروں میں ان کی خوشیوں اور دلسچپیوں کو دیکھکر یہ ضرور کہا جا سکتا ہے کہ ملک کے امن پسند لوگوں کی بڑی تعداد نفرتوں کو رد کر محبت اور بھائی چارے والی دنیا میں ہی سانس لینا پسند کرتی ہیں۔
