بھاگلپور سڑک حادثے میں ایک شخص ہلاک

بہار کے ضلع بھاگلپور کے کجریلی تھانہ علاقہ میں پک اپ وین اور آٹو رکشا کے درمیان ٹکر میں ایک شخص ہلاک اور ایک دیگر زخمی ہوگیا۔

پولیس ذرائع نے بتایا کہ آٹو رکشا پر سوار لوگ پیر کی دیر رات بھاگلپور سے امر پور کی جانب جارہے تھے تبھی گورا چوکی گاﺅں کے پاس امر پور ۔ بھاگلپور شاہراہ پر تیز رفتار پک اپ وین نے آٹو رکشا کو ٹکر مار دی۔

اس واقعے میں آٹو رکشا پر سوار ایک شخص کی موت ہو گئی جبکہ ایک دیگر ایک شخص زخمی ہوگیا۔ واقعہ کے بعد پک اپ وین کا ڈرائیور گاڑی سمیت فرار ہوگیا۔

ذرائع نے بتایا کہ ہلاک ہوئے شخص کی شناخت ضلع کے لودی پور علاقہ کے تہہ بر پور گاﺅں باشندہ محمد یونس (52) کے طور پر کی گئی ہے۔ زخمی کو مقامی ہسپتال میں داخل کرایا گیا ہے۔ لاش پوسٹ مارٹم کے لیے بھاگلپور جواہر لعل نہرو میڈیکل کالج ہسپتال بھیج دی گئی ہے۔