پولیس کے مطابق گزشتہ شام وہبگ علاقے سے تعلق رکھنے والا محمد شفیق گنائی نامی آٹو ڈرائیور کو فوج نے ناکے کے پاس رکنے کے لیے کہا، لیکن ڈرائیور نہیں رکا، جس کے بعد فوجی اہلکاروں نے اس پر گولی چلائی جس میں وہ زخمی ہوگیا ہے۔
محمد شفیق گنائی ذڑورہ سے واہبگ کی طرف اپنے آٹو میں سواریوں کو لے جا رہا تھا۔
تاہم بعد میں چیکنگ کے دورآن فوج کو معلوم ہوا ہے کہ آٹو میں مقامی افراد سوار ہیں تو انہوں نے آٹو ڈرائیور کو جانے کے لیے کہا۔
اطلاعات کے مطابق محمد شفیع کے بائیں ہاتھ میں گولی لگی ہے۔ آج صبح علاج کے لیے اسے ایس ایم ایچ ایس میں داخل کیا گیا جہاں سے ڈاکٹرون نے اسے برزولہ ہسپتال منتقل کردیا ہے۔
پولیس اہلکار کا کہنا ہے کہ انہوں نے اس حوالے سے تحیقات شروع کر دی ہے اور جلد ہی حقاٸق کو سامنے لایا جائے گا۔
