کرناٹک کے ضلع یادگیر میں گزشتہ پانچ دنوں سے چل رہے مکمل لاک ڈاؤن میں بدھ کو ضلع انتظامیہ نے نرمی دیتے ہوئے صبح 6 بجے سے 12 بجے دن تک اشیائے ضروریہ کی خرید و فروخت کی مہلت دی ہے۔
ضلع یادگیر میں کورونا کے معاملات میں کمی آئی ہے۔ منگل کو ضلع بھر میں 33 نئے کورونا کے مریض پائے جانے کی تصدیق ہوئی ہے جس کے چلتے اب تک ضلع میں 27 ہزار 169 مریض سے متاثرین ہیں جن میں سے 26 ہزار 182 صحتیاب ہوکر ڈسچارج بھی ہوئے ہیں۔
محکمہ صحت کی اطلاع کے مطابق ضلع میں دو مریضوں کی کورونا سے موت ہوئی ہے جبکہ 104 مریض ڈسچارج ہوئے ہیں۔ ضلع میں کورونا سے اب تک مرنے والوں کی تعداد دو سو چار ہے جبکہ 783 ایکٹیو کیس ہیں۔ ضلع میں لاک ڈاؤن کے دوران نرمی دیے جانے پر اشیائے ضروریہ جس میں پانی، سبزی، دودھ، گوشت، کرانہ دکانوں کو صبح 6 بجے سے دوپہر 12 بجے تک کھولنے کی مہلت دی گئی ہے۔
صبح 6 بجے سے ضروری خدمات جیسے ایمبولینس، آگ بجھانے والی گاڑیاں دیگر طبی ہنگامی خدمات، پٹرول پمپ کو رات 12 بجے تک کھلا رکھنے کی اجازت ہے۔ سرکاری ٹرانسپورٹ پر پابندی ہے اور نجی ٹرانسپورٹ کو صرف ہنگامی طبی خدمات کے لئے اجازت ہے۔
ضلع انتظامیہ نے اشیائے ضروریہ کی خریداری اور فروخت کے وقت سماجی فاصلہ رکھنے ماسک کی سخت تاکید کرتے ہوئے کہا کہ کورونا سے بچنے کے لیے احتیاطی اقدامات پر سختی کے ساتھ عمل کریں۔
