ضلع پلوامہ کے رامسو علاقے میں محکمہ دیہی ترقیات نے غریبوں کی فلاح کے لیے متعدد سکیمز جاری کیے لیکن علاقے کے لوگوں کا الزام ہے کہ ان سکیمز سے ضرورت مند افراد محروم ہیں ان سکیمز کا فائدہ ان لوگوں کو ملا جنہیں سیاسی پشت پناہی حاصل ہے۔
علاقے کی غریب عوام کا مطالبہ ہے کہ محکمہ دیہی ترقیات علاقے کا سروے کرائے اور ان سکیمز سے غریب اور مستحق عوام کو فائدہ پہنچائے ۔
'غربا کا حق مار رہے ہیں امیر'
مقامی لوگوں کلا مزید کہنا ہے کہ محکمہ دیہی ترقیات نے حکومت کی سکیم جس کے تحت غریبوں کو مکان فراہم کیا جاتا ہے۔ اس سے غریب کے بجائے امیروں کو فائدہ پہنچایا۔ محکمہ کے افسران سے جن کا تعلق تھا ان کا مکان بن گیا اور اصل حقدار محروم رہ گئے۔
