پرینکا گاندھی نے مشرقی اترپردیش کے کارکنان سے ملاقات کے لیے نئی دہلی میں دفتر کے قیام کا فیصلہ کیا ہے۔ جہاں وہ اپنے کیڈرز سے منگل اور جمعرات کے روز صبح دس بجے سے ایک بجے تک ملاقات کرینگی۔
زمینی سطح پر پارٹی کو مضبوط کرنے اور کارکنان میں نیا عزم و حوصلہ پیدا کرنے کے لیے پارٹی کو اسطرح کے اقدامات کرنے کی ضرورت پڑی ہے۔
خیال رہے کہ پرینکا گاندھی اپنی والدہ سونیا گاندھی کے ساتھ گذشتہ دنوں رائے بریلی کےعوام کا شکریہ ادا کرنے گئی تھیں۔ جہاں انہوں نے پارٹی کارکنان کے ساتھ ملاقات بھی کی اور انہیں ابھی سے ہی 2022 کی تیاریاں شروع کردینے کو کہا تھا۔
ایک سوال کے جواب میں پرینکا نے کہا کہ ' وہ ان ناموں کی بھی وضاحت کرینگی جنھوں نےلوک سبھا انتخابات میں پارٹی کے لیے کام نھیں کیا تھا۔'
پرینکا نے اترپردیش میں زبردست انتخابی مہم چلائی تھی خاص طور سے امیٹھی اور رائے بریلی میں لیکن پارٹی رائے بریلی کے علاوہ تمام سیٹیں ہار گئی ۔ یہاں تک کانگریس نے اپنی ورایتی سیٹ (امیٹھی) بھی کھو دی۔ پارٹی کے صدر راہل گاندھی کو یہاں بی جے پی کی رہنما و مرکزی وزیر اسمرتی ایرانی نے ہرا دیا۔
واضح رہے کی کانگریس حالیہ لوک سبھا انتخابات میں شرمناک شکست کے بعد 52 سیٹوں پر ہی سمٹ کر رہ گئی ہے۔
