پونچھ: ڈبی گاؤں میں گاؤ خانہ خاکستر، 18 مویشی، 30 پولٹری پرندے ہلاک

جموں و کشمیر ضلع پونچھ کے مینڈھر علاقے کے ڈبی گاؤں میں آگ لگنے کے ایک واقعہ میں 18 مویشی اور 30 پولٹری پرندے جھلس کی ہلاک ہوگئے۔

سرکاری ذرائع نے بتایا کہ ضلع پونچھ کے مینڈھر علاقے کے ڈبی گاؤں میں محمد انوار ولد منشی خان نامی ایک شخص کے گاؤ خانے میں آگ لگ گئی جس کے نتیجے میں 18 مویشی اور 30 پولٹری پرندے جھلس کر ہلاک ہوگئے اور گاؤ خانہ بھی مکمل طور پر خاکستر ہوگیا۔

انہوں نے بتایا کہ ہلاک شدہ مویشیوں میں 16 بکریاں، ایک گائے اور ایک بیل شامل ہیں۔ ان کا مزید کہنا تھا کہ محکمہ ویٹرنری کی ایک ٹیم جائے حادثہ پر پہنچ گئی ہے جو نقصان کا جائزہ لے رہی ہے۔

یو این آئی