بھاٹ پاڑہ کے باشندے دہشت کے سائے باہر نکل کر روزمرہ کی زندگی گزارنے کے لیے ایک بار پھر پوری طرح سے تیارہیں۔ بھاٹ پاڑہ اور دیگر علاقے میں دوکانیں اور مارکیٹ کھل گئے ہیں تاہم خوف و ہراس کا ماحول ہے۔
بیرکپور پولس کمشنرمنوج کمار ورما نے علاقے کا دورہ کیا ہے اور حالات کا جائزہ لیاہے۔ چند مقامات پر سیکورٹی اہلکار تعنیات رہیں گے۔ آئندہ 72 گھنٹے میں فسادزدہ علاقے کے حالات مکمل طور پر معمول پر جا ئیں گے۔
انہوں نے کہاکہ پورے علاقے کی سخت نگرانی کی جارہی ہے،پورے علاقے سے 8افراد کو گرفتار کیا گیا ہے۔چند مفرور لوگوں کی تلاشی جاری ہے۔
پولیس کی ٹیم رات کے وقت حساس علاقے میں گشت کر رہی ہے مشکوک نظر آ نےو الے لوگوں کوپوچھ گچھ کے لیے حراست میں لیاجارہاہے۔
پولیس کمشنر کے مطابق لوگوں سے پولیس کی کارروائیوں میں تعاون کرنے کی اپیل کی جا رہی ہے۔اس کے علاوہ لوگوں کواہدایت دی جا رہی ہے کہ وہ افوائیوں پر توجہ نہ دیں ۔
