ایرانی اراکین نے کل بل کا جائزہ لیا تھا جبکہ اس بل کو آج منظوری دیدی گئی۔ پارلیمنٹ میں ہوئی ووٹنگ میں بل کے حق میں 188 جبکہ مخالفت میں 20 ووٹ پڑے ہیں۔
یہ بات قابل ذکر ہے کہ ایرانی پارلیمنٹ کی منظوری کے بعد یہ بل آخری مرحلے میں گارڈین کونسل کو بھیجا جائے گا، اگر وہ اس کی توثیق کرے تو اسے ایک قانون کے طور پر نافذ کیا جائے گا۔
بعض عالمی تنظیموں سمیت انسانی حقوق کی عالمی تنظیم ہیومن رائٹس واچ نے پارلیمنٹ میں ایرانی خواتین کے بچوں کو شہریت دینے سے متعلق پیش کیے گئے بل کا خیر مقدم کیا۔
اس بل کا مقصد ایرانی خواتین کی اعلی حیثیت کی حمایت ہے۔ آج ایرانی خواتین ملک کے سماجی، سیاسی، اقتصادی اور ثقافتی میدان میں اعلی کارکردگی کا مظاہرہ بھی کررہی ہیں۔
