سری لنکا حملہ نیوزی لینڈ مسجد کا بدلہ تھا

سری لنکا میں گرجا گھروں اور ہوٹلوں کو نشانہ بناتے ہوئے کیا گیا دہشت گرد حملہ نیوزی لینڈ میں ہوئے مسجد پر انسانیت سوز حملہ کا بدلہ تھا، اس بات کا انکشاف سری لنکا کے سینئر وزیر نے پارلیمنٹ میں کیا۔

وزیر دفاع روان وجئے واردانے نے بتایا کہ ابتدائی تحقیقات سے پتہ چلا ہے کہ سری لنکا میں کئے گئے حملے مقامی اسلامک گروپ کی کارستانی تھی۔ انہوں نے نیوزلینڈ کی مسجد میں دہشت گرد حملے کا بدلہ لینے کےلئے ایسا کیا۔

سری لنکا میں ایل ٹی ٹی ای کے خلاف خونریز جنگ کے ایک دہے بعد سب سے بڑے حملے میں ہوٹلوں اور گرجا گھروں کو نشانہ بنایا گیا جس میں 321 ہلاک اور دیگر 500 افراد زخمی ہوئے۔