آندھراپردیش کے وزیراعلیٰ چندرا بابو نائیڈو نے کرناٹک کے دارالحکومت بنگلور میں سابق وزیراعظم دیوے گوڑا اور کرناٹک کے وزیراعلی ایچ ڈی کمارا سوامی سے ملاقات کی ہے۔
واضح رہے کہ وزیراعلیٰ این چندرا بابو نائیڈو اس وقت غیر بی جے پی جماعتوں کو ملک بھر میں متحد کرنے کی مہم میں مصروف ہیں۔
چندرا بابو گذشتہ روز نئی دہلی سے بنگلور پہنچے تو انہوں نے دیوے گوڑا اور ان کے بیٹے کمارا سوامی سے تقریباً آدھے گھنٹہ تک گوڑا کی رہائش گاہ پر بند کمرے میں ملاقات کی۔
نائیڈو نے بتایا ہے کہ ملک میں لوک سبھا انتخابات کے بعد نتائج پس منظر اور مرکز میں اقتدار سے بھگوا جماعت کو دور رکھنے کے لیے متحدہ طور پر حکمت عملی کی تیاری کے سلسلے میں تبادلہ خیال کیا۔
نائیڈو کی دیر رات آمد اور گوڑا و کمارا سوامی سے ملاقات کو اہمیت حاصل ہوگئی ہے، کیونکہ کمارا سوامی اور دیوے گوڑا نے گذشتہ روز اپوزیشن جماعتوں کے رہمناؤں کے اجلاس میں شرکت نہیں کی تھی۔
