ملک بھر کی مساجد، عید گاہوں اور کھلے میدانوں میں نماز عید کے اجتماعات منعقد کیے گئے۔
صدرجمہوریہ رام ناتھ کووند اور نائب صدر ایم وینکیا نائیڈو نے عیدالفطر کے موقعے پر ملک کے شہریوں کو مبارکباد پیش کی۔
صدر رام ناتھ کووند نے کہا کہ 'عیدالفطر کا تہوار آپسی بھائی چارے اور شفقت کے جذبے کو مضبوط کرتا ہے۔'
انہوں نے کہا کہ 'عیدالفطر کے مقدس تہوار کے موقع پر میں ملک کے تمام شہریوں اور ہمارے مسلم بھائی بہنوں کو مبارکباد پیش کرتا ہوں، جو ملک اور بیرون ممالک میں ہیں۔
نائب صدر ایم وینکیا نائیڈو نے بھی عیدالفطر کی مبارکباد پیش کرتے ہوئے اپنے پیغام میں کہا کہ 'رمضان کے مقدس مہینے کی عبادت کا تحفہ عید ہے اور یہ انتہائی عقیدت و احترام اور بھائی چارے کے ساتھ منایا جاتا ہے۔'
وزیراعظم نریندر مودی نے انگریزی اور اردو میں ملک کی عوام کو عید کی مبارک باد پیش کی۔
وزیر اعظم نے ٹویٹر کے ذریعے ایک اردو خط پوسٹ کیا، جس میں انہوں نے عید الفطر کے موقع پر سب کو عید کی مبارک با د پیش کی۔
ٹویٹ میں انہوں نے کہا: 'خدا کرے یہ خصوصی دن ہمارے معاشرے میں ہم آہنگی، رحم دلی اور امن کے جذبات کو فروغ دے۔ہر کس و ناکس کی زندگی مسرتوں سے ہمکنار ہو۔'
