ضمنی انتخابات کے لیے نوادا اور کاندی میں پولنگ

مرشدآباد کے نوادا اور كاندی اسمبلی کے ضمنی انتخاب کے لئے پیر کو سخت سکیورٹی کے درمیان پولنگ جاری ہے۔

موصولہ اطلاع کے مطابق پولنگ شام چھ بجے تک جاری رہے گی ۔ ووٹنگ کے لئے 517 پولنگ مراکز قائم کئے گئے ہیں۔ 2500 ملازمین انتخابی ڈیوٹی میں تعینات ہیں ۔ابھی تک کہیں سے کسی ناخوشگوار واقعہ کی اطلاع نہیں ہے۔
کاندی اسمبلی ضمنی انتخابات میں ترنمول کانگریس کے گوتم رائے، کانگریس کے سیف اللہ عالم خان اور بھارتیہ جنتا پارٹی (بی جے پی) کے سنت منڈل انتخاب لڑ رہے ہیں۔
نوودا سیٹ کے لئے ضمنی انتخابات میں چار رخی مقابلہ ہے۔ یہاں شاهنہ ممتاز (ترنمول کانگریس)، سنیل منڈل (کانگریس)، انوپم منڈل (بی جے پی) اور سریقل اسلام منڈل (آر ایس پی ) انتخابی میدان میں ہیں۔