سابق لوک سبھا اسپیکر سمترا مہاجن کی موت کی غلط خبر پھیلانے کے معاملے میں صرافہ پولیس نے سابق کونسلر سدھیر دیڑگے کی رپورٹ پر مقدمہ درج کرلیا ہے
جبکہ اس پورے معاملے میں سابق کونسلر اور سماجی کارکن سدھیر کے ذریعہ نامعلوم شخص کے خلاف مقدمہ درج کیا گیا ہے۔ پولیس نے اس پورے معاملے میں سابق کونسلر کی رپورٹ پر مقدمہ درج کرکے نامعلوم شخص کی تلاش بھی شروع کردی ہے۔
سابق کونسلر سدھیر نے اپنی رپورٹ میں کہا ہے کہ بی جے پی اور ملک کی سینئر لیڈر سمترا مہاجن کے انتقال کی افواہ پھیلائی گئی۔ یہ خبر ان کے آبائی علاقے اندور کے ساتھ ساتھ ملک کے مختلف شہروں میں آگ کی طرح پھیل گئی۔ اس پورے معاملے میں سوشل میڈیا پر یہ خبر تیزی سے پھیل گئی، سابق کونسلر کی شکایت پر پولیس نے نامعلوم شخص کے خلاف دفعہ 188 کے تحت مقدمہ درج کرکے اس کی تلاش شروع کردی ہے۔
واضح رہے کہ سابق اسپیکر سمترا مہاجن کو بخار آنے کے بعد انہیں اندور کے ایک نجی ہسپتال میں علاج کے لیے داخل کرایا گیا تھا جس کے بعد سوشل میڈیا پر ان کی موت کی خبر وائرل ہوگئی جس کے بعد کئی اعلیٰ رہنماؤں نے دکھ کا اظہار کرتے ہوئے انہیں خراج پیش کیا.
