مایاوتی نے وزیر اعظم مودی پر حملہ بولتے ہوئے کہا کہ مودی ہمارے اتحاد کی وجہ سے کافی پریشان ہیں۔
غور طلب ہے کہ اس سے قبل مودی نے ایک انتخابی ریلی کے دوران کہا تھا کہ اتر پردیش میں بی جے پی کو ہرانے کے لیے ایک دوسرے کے سخت مخالف پارٹیاں گلے مل گئی ہیں۔ ان کی دوستی میں اب دم نہیں دکھ رہاہ۔سماج وادی پارٹی نے مایاوتی کو ایسا دھوکہ دیا ہے ،جو انہیں سمجھ میں نہیں آ رہاہے۔
مایاوتی نے مزید کہا کہ کانگریس کے خلاف امیٹھی اور رائے بریلی میں امیدوار اس لیے نہیں اتارا،کیونکہ اس سے ہماری پارٹی کا ووٹ کانگریس امیدوار کو جائے گا۔ ہم نے کانگریس سے اتحاد نہیں کیا۔ ہمارا اتحاد بی جے پی کو ہرا دے گا۔
غورطلب ہے کہ اتر پر دیش کی 80 پارلیمانی سیٹوں کے لیے ایس پی۔ بی ایس پی اور آر ایل ڈی اتحاد نے امیٹھی اور رائے بریلی سیٹ سے امیدوار نہیں اتارا ہے۔ بی ایس پی 38، ایس پی 37 اور آر ایل ڈی تین سیٹوں پر الیکشن لڑ رہی ہے۔
