پولیس سپرنٹنڈنٹ ہرکشور رائے نے ایک پریس کانفرنس میں بتایا کہ اطلاعات کی بنیاد پر بھکور بھٹی گاؤں کے ایک ٹھکانے پر کل دیر رات چھاپہ مارا گیا۔
اس دوران موقع سے پانچ لاکھ 23 ہزار کے جعلی نوٹ، پرنٹر، پیپر اور کچھ بغیر کٹے ہوئے نوٹ برآمد کیے گئے ہیں۔ جس میں پانچ اسمگلرز کو گرفتار کیا گیا ہے۔
ہرکشور رائے نے بتایا کہ پوچھ گچھ کے دوران گرفتار کیے گئے اسمگلرز نے بتایا کہ جعلی نوٹوں کو لوک سبھا انتخابات میں استعمال کیا جانا تھا۔
ایساخیال کیا جارہا ہے کہ وہ ایک ماہ سے جعلی نوٹ کا کاروبار کررہے تھے اور ان نوٹوں کا استعمال مغربی بنگال اور آسام میں کیا جاتا تھا،جہاں سے اب تک ایک کروڑ سے زائد کے جعلی نوٹ بازار میں چلائے جاچکے ہیں۔
