پولیس ذرائع نے بتایا کہ مکان نمبر تین میں رہنے والے جواہر شرما کی بیٹی کی شادی 2019 میں اناؤ کے باشندے وکاس سے ہوئی تھی۔
وکاس امرتسر میں رہ کر ایک پرائیویٹ کمپنی میں نوکری کرتا ہے۔ گذشتہ کچھ دنوں سے مونا (30) اپنے والد جواہر شرما کے گھر پر ہی رہ رہی تھی۔ ہر دن کی طرح پیر کی رات بھی کھانا کھانے کے بعد وہ اپنے کمرے میں سونے کے لیے چلی گئی۔
منگل کی صبح دیر تک مونا کمرے سے باہر نہیں آئی تو جگانے کے لیے والد کمرے کے پاس گئے۔ انہوں نے دیکھا کہ ان کی بیٹی پھانسی کے پھندے سے لٹکی ہوئی تھی۔
گھبرا کر والد کے شور مچانے کے بعد پڑوسی اپنے اپنے گھروں سے باہر آ گئے اور انہوں نے اس کی اطلاع پولیس کو دی۔
پولیس نے لاش پھندے سے اتار کر پوسٹ مارٹم کے لیے بھیج دیا۔ خود کشی کی وجہ معلوم نہیں ہو سکی، نہ ہی پولیس کو تفتیش میں کسی طرح کی سوسائڈ نوٹ ملی ہے۔ پورے معاملے کی تفتیش کی جا رہی ہے۔
