ضلع شمالی24 پر گنہ کے بیپرکپور پارلیمانی حلقہ اوردواسمبلی حلقہ اوربنگاؤں پارلیمانی حلقہ گنوانے کے بعد ترنمول کانگریس کی سپریمو ممتابنر جی نے ضلع صدر جیوتی پریہ ملک کی ذمہ داریاں کم کردیاہے۔
ممتابنرجی کے مطابق جیوتی پریہ ملک ضلع شمالی24 پر گنہ کے صدر کے عہدے پر برقراررہں گے۔پانچ پارلیمانی حلقے کی ذمہ داری پانچ رکن پارلیمان کے حوالے کرنے کا اعلان کیاگیا۔
ترنمول کانگریس کی سپریمو نے کہاکہ جیوتی پریہ ملک کی ذمہ داریوں کو کم کرنے کا فیصلہ کیا گیا ہے۔وہ ضلع ترنمول کانگریس کے صدر کے ساتھ ریاستی وزیرخوراک ہیں۔ایک ساتھ دودوذمہ داریاں سنبھل نہیں پارہی تھی۔
ممتابنر جی کے مطابق ریاستی وزیرخوراک اور ضلع صدر کسی بھی موضوع پرتنہا فیصلہ نہیں کرسکتے ہیں۔ دیگر سات لوگوں کے ساتھ انہیں کام کرنا پڑے گا۔
