پولیس سپرنٹنڈنٹ سنسار سنگھ نے بتایا کہ سرولی کے بسنت پور گاؤں میں رہنے والے ہمانشی اور سرجیت یادو نے گھر والوں کی مخالفت کے باوجود 13 مئی کو عدالت میں شادی کرلی تھی۔
اتوار کی شام اس کا شوہر ہمانشی کو دوا دلانے لے جارہا تھا، راستے میں اس کی ماں کھڑی ہوئی ملیں، ماں نے کہا کہ جو ہوا بھول جاؤ اب تم لوگوں سے کوئی ناراضگی نہیں ہے۔
یقین دلاکر بیٹی اور داماد کو گھر کے لے آئی، تھوڑی دیر بعد بیٹی کی ماں نے داماد سے کہا کہ تمہارے برادر نسبتی کے کپڑے پڑوس کے گاؤں کے ٹیلر کے یہاں ہیں انہیں دلا لاؤ، وہ برادر نسبتی کے ساتھ چلا گیا، ایک گھنٹے بعد جب واپس آیا تو ہمانشی کی لاش پڑی تھی۔
انہوں نے بتایا کہ سرجیت یادو کی اطلاع پر پولیس موقع پر پہنچی، اس معاملہ میں اس کی شکایت پر ہمانشی کے والد بجیندر عرف پپو، ماں رام بھولی اور بڑے بھائی کلدیپ کے خلاف قتل کا معاملہ درج کرلیا گیا ہے۔
لاش پوسٹ مارٹم کے لیے بھیج دی گئی ہے، پولیس نے کیس درج کرکے معاملہ کی تحقیقات کررہی ہے۔
