ریاستی کسان مورچہ کے جنرل سکریٹری ایڈووکیٹ دیبان داس گپتا نے کہا کہ وہ وزیراعلیٰ ممتا بنرجی کو وزیراعظم بنتے ہوئے دیکھنا چاہتے ہیں۔
کسان مورچہ کے جنرل سکریٹری ایڈووکیٹ دیبان داس گپتا نے کہا کہ وہ وزیراعلیٰ ممتا بنرجی کو وزیراعظم بنتے ہوئے دیکھنا چاہتے ہیں۔ مکل رائے کے قریبی سمجھے جانے والے کسان مورچہ کے جنرل سکریٹری ایڈوکیٹ دیبان داس گپتا کا کہنا ہے کہ ممتا بنرجی ترقی پسند خیالات کی حامی ہیں۔ وہ ہمیشہ ریاست اور عام لوگوں کی ترقی کے بارے میں سوچتے ہیں۔
انہوں نے کہا کہ پارٹی چھوڑ کر غلطی کی اور میں اب اپنی غلطی کو سدھارنے کے لئے ان کے ساتھ دوبارہ کام کرنا چاہتا ہوں۔
ایڈوکیٹ دیبان داس گپتا کا کہنا ہے کہ مکل رائے کے نقش قدم پر چلتے ہوئے ایک بار پھر ترنمول کانگریس کا حصہ بننا چاہتے ہیں۔ لیکن سوال یہ ہے کہ مغربی بنگال کے عوام اس کھیل کو کس نظریے سے دیکھتے ہیں۔ کیا عام لوگ بی جے پی کو چھوڑ کر ترنمول کانگریس میں دوبارہ شامل ہونے والے رہنماؤں کو تسلیم کریں گے یا نہیں۔
مکل رائے کے بی جے پی چھوڑ کر ترنمول کانگریس میں دوبارہ شامل ہونے کے بعد مغربی بنگال کی سیاست میں ہلچل مچ گئی ہے۔
اسمبلی انتخابات 2021 میں جس رفتار سے ترنمول کانگریس کو چھوڑ کر بی جے پی میں شامل ہونے کا مقابلہ شروع ہوا تھا نتائج کے بعد اس سے دوگنی رفتار سے گھر واپسی کا کھیل شروع ہوا ہے۔
ریاستی بی جے پی کا ہر دوسرا رہنما ترنمول کانگریس میں دوبارہ شامل ہونے کے لئے حکمراں جماعت کے اعلیٰ رہنماؤں سے رابطہ کرنے کی کوشش میں لگا ہے۔
