ایس ٹی ایف نے میڈیا کو بتایا کہ خفیہ اطلا ع کی بنیاد پر ضلع مشرقی بردوان کے کٹوا علاقے میں خصوصی مہم کے دوران وجے پرتاپ پور کے چھرکھمبا بس اسٹینڈ کے قریب سے جمعیتہ المجایدین کے رکن کو گرفتار کیا گیا ہے۔
ایس ٹی ایف کے مطابق گرفتار شخص کی شناخت عبدالرحیم کے طور پر ہو ئی ہے ۔وہ ضلع مرشدآباد کارہنے والا ہے ۔وہ مبینہ طور پر پابندی کا سامنا کرنے والی تنظیم جمیعتہ الجماید بنگلہ دیش سے منسلک ہے۔
انہوں نے مزید کہاکہ تفتیش کی جا رہی ہے۔ پوچھ گچھ کے دوران عبدالرحیم سے اہم جانکاری حاصل ہوئی ہے۔وہ جے ایم بی کے رہنما عبدالواحب کے قریب ہے ۔
ذرایع کے مطابق گرفتار عبدالرحیم بھارت میں نوجوانوں کو تنظیم میں بھرتی کرانے کا کام کرتا ہے۔وہ گزشتہ کئی برسوں سے لاپتہ تھا۔
واضح رہے کہ گزشتہ ہفتے کولکاتا پولیس کی ایس ٹی ایف نے سیالدہ اور ہوڑہ اسٹیشنوں پر خصوصی تلاشی مہم کے دوران چار آ ئی ایس آ ئی ایس کے مبینہ ممبروں کو گرفتاری کیا تھا۔
