بھارتی جنتا پارٹی کے انسداد گئو کشی آرڈیننس کو مقامی سماجی کارکن عارف جمیل نے چیلینج کیا ہے اور اس معاملے میں آج کی دوسری سماعت میں حکومت کی پیروی کر رہے ایڈووکیٹ جنرل نے اسٹیٹمینٹ آف آبجیکشنز فائل کی ہے۔
کرناٹک ہائی کورٹ کا انسداد گئو کشی آرڈیننس پر دوسری سماعت اس سلسلے میں سماجی کارکن کی جانب سے اس معاملے کے خلاف عرضی داخل کرنے والے وکیل رحمت اللہ کوتوال نے بات کرتے ہوئے بتایا کہ سنوائی کے دوران طرفین کے درمیان بحث ہوئی۔ ایڈووکیٹ کوتوال نے بتایا کہ ایڈووکیٹ جنرل نے سماعت کے دوران کہا کہ اس آرڈیننس کے دفعہ 5 کے تحت اگر کوئی کسان یا شخص مویشیوں کو ایک جگہ سے دوسری جگہ ٹرانسپورٹ کرنا چاہتا ہے تو اسے اس کی اجازت لینی ہوگئی، جس پر ہائی کورٹ نے اعتراض ظاہر کرتےہوئے کہا کہ جانوروں کی نقل و حمل سے متعلق بنائے گئے قوائد، جس کے مطابق کسان یا ٹرانسپورٹ کرنے والے کو جانوروں کے مالک کو ٹرانسپورٹ کے متعلق کاغذات کو ہمیشہ ساتھ میں رکھنا ممکن نہیں ہے۔
کرناٹک ہائی کورٹ کا انسداد گئو کشی آرڈیننس پر دوسری سماعت اس سلسلے میں ایڈووکیٹ رحمت اللہ نے مزید بتایا کہ حکومت کی جانب سے ریاست بھر میں موجود گائے نسل کے ہر جانور کے ساتھ ایک اونرشپ آئی ڈی ہوگی جو کہ ڈیجیٹل 'آر. ایف. آئی.ڈی ریڈیو فریکوینسی آئڈینٹیفیکیشن ڈیوائس' ہوگی۔ واضح رہے کہ مرکزی حکومت کے ایک اسکیم کے تحت ریاست بھر میں موجود گائے و اس کے نسل کے جانوروں کی کل آبادی 1،15،53،564 میں سے 96،00،000 جانوروں کے کانوں میں 'بیورو آف اسٹینڈرڈ' کے مطابق آر. ایف. آئی. ڈی نصب کر دیا گیا ہے اور یہ کام جاری ہے۔
کرناٹک ہائی کورٹ کا انسداد گئو کشی آرڈیننس پر دوسری سماعت ایڈووکیٹ کوتوال نے بتایا کہ اب اس معاملے کی اگلی سماعت 20 تاریخ کو ہوگی، جس میں ممکن ہے کہ ہائی کورٹ کوئی عبوری حکم جاری کرے گا۔
