وزیراعلیٰ کے سامنے جونئیر ڈاکٹروں کا احتجاج

ایس ایس کے ایم اسپتال میں وزیراعلیٰ مغربی بنگال ممتا بنرجی کوجونئیر ڈاکٹروں کے احتجاج کا سامنا کرنا پڑا،اس دوران پولیس نے احتجاج کرنے کے الزام میں ایک شخص کو گرفتار کیا گیا ہے۔

ایس ایس کے ایم میں گزشتہ 50 گھنٹوں سے جونئیر ڈاکٹروں کے احتجاج کوختم کرانے کے ارادے سے پہنچی وزیراعلیٰ ممتا بنرجی کو جونئیر ڈاکٹروں کے احتجاج کا سامنا کرنا پڑا۔

جونئیر ڈاکٹروں نے ممتا بنرجی کے سامنے ہائے ہائے کے نعرہ لگائے۔وزیراعلیٰ ممتا بنر جی کے کہنے کے باوجود جونیئر ڈاکٹروں نے احتجاج کا سلسلہ جاری رکھا۔

پولیس نے جوابی کارروا ئی کر تے ہوئے ایس ایس کے ایم اسپتال کے جونئیر ڈاکٹروں کواحتجاج سے باز رہنے کی ہدایت دی ۔ پولیس نے اس کیس میں ایک شخص کو گرفتار کرلیاہے ۔

پولیس کاکہنا ہے کہ وزیراعلیٰ کے خلاف احتجاج کر نے کے الزام میں ایک شخص کو گرفتار کیا گیا ہے جبکہ دیگر تین افراد کو حراست میں لیا گیا ہے۔

دوسری طرف جونئیر ڈاکٹروں نے احتجاج کا سلسلہ جاری رکھنے کا فیصلہ کیاہے۔