گیا: ماووادی باغی گرفتار

گیا کے بارہ چٹی پولیس کو شاندار کامیابی ہاتھ لگی ہے، پولیس نے گزشتہ دس برس سے فرار ماووادی باغی جیتن یادو کو گرفتار کرنے میں کامیابی حاصل کی ہے۔

گیا کے بارہ چٹی علاقے کی پولیس نے گزشتہ دس برس سے فرار جیتن یادو کو گرفتار کرنے میں کامیابی حاصل کی ہے۔

پولیس نے بتایا کہ جیتن یادو کو خفیہ جانکاری کی بنیاد پر اسکے گاؤں ڈوم چوا میں گھیرا بندی کرکے گرفتار کیا گیا۔

جیتن یادو پر قتل، ڈاکہ زنی اور گاڑیوں کی چوری کے علاوہ متعدد الزام ہیں۔ بارہ چٹی تھانہ انچارج دھرمندر کمار نے بتایا کہ جیتن یادو کو پوچھ تاچھ کے بعد جیل بھیج دیا گیا ہے۔

قابل ذکر ہے کہ گیا کے متعدد علاقے نکسل متاثر ہیں۔ ان میں امام گنج اور بارہ چٹی جیسے علاقے سر فہرست ہیں۔