محکمہ جنگلات کےافسران پر حملہ

تلنگانہ کے ضلع آصف آباد میں اراضی کے مسئلہ پر مقامی کسانوں نے محکمہ جنگلات کے افسران پر حملہ کردیا۔

آصف آباد ضلع کے،سرسالا، گاوں میں محکمہ جنگلات کے افسران بشمول ایف آر او انیتا پر رکن اسمبلی کے بھائی کونیرو کرشنا نے مقامی کسانوں کے ساتھ ملکر لکڑیوں سے حملہ کیا۔

پولیس کے مطابق رکن اسمبلی کونیرو کونپا کے بھائی کونیرو کرشنا نےمقامی کسانوں کے ساتھ افسران پر حملہ کیا، جس پر انھیں گرفتار کرلیا گیا اور انکے خلاف مختلف دفعات کے تحت مقدمہ درج کیا گیا۔ کونیرو کرشنا حال ہی میں ہوئے ضلع پریشد انتخابات میں ضلع کے نائب چیرمین منتخب ہوئے ہیں۔ سرسالا کی اراضی پر محکمہ جنگلات کے افسران حکومت کی ،ہریتا ہرم، مہم کے تحت شجرکاری کے لیے پہنچے تھے، جہاں گاوں والوں نےدعوی کیا کہ یہ انکی اراضی ہے جہاں وہ اس مہم کو انجام دینے کی اجازت نہیں دیں گے۔دوسری جانب محکمہ جنگلات کا دعوی ہیکہ اراضی محکمہ کا اثاثہ ہے۔