اطلاعات کے مطابق گذشتہ رات سکیورٹی فورسز اشموجی علاقے میں پہنچی اور غلام احمد ڈار کو ان کے گھر سے گرفتار کرلیا۔
غلام احمد کے اہل خانہ نے شور مچایا تاہم سکیورٹی فورسز نے ہوا میں فائرنگ کی جس کے بعد علاقے میں خوف و دہشت پھیل گئی۔ غلام احمد ڈار پانچ بیٹیوں کے والد ہیں ۔
اس ضمن میں اگرچہ ای ٹی وی بھارت کے نمائندے نے پولیس کے اعلیٰ افسر کے ساتھ بات چیت کی تاہم انہوں نے اس بارے میں کسی بھی طرح کی اطلاع دینے سے انکار کردیا۔ وہیں گرفتار کیے گئے غلام احمد کے اہل خانہ اور مقامی لوگوں میں تشویش کی لہر ہے۔
اہل خانہ یہ سمجھ ہی نہیں پارہے ہیں کہ ان کی گرفتاری کی وجہ کیا ہے کیوں کہ سکیورٹی فورسز کے اہلکاروں نے بھی انہیں کچھ نہیں بتایا۔
