'فائلیں جلانے سے بچ نہیں سکتے'

کانگریس کے صدر راہل گاندھی نے قومی دارالحکومت کے شاستری بھون میں اچانک آگ لگنے کے واقعے پر وزیر اعظم نریندر مودی پر نکتہ چینی کی اور کہا کہ 'اس طرح سے سرکاری فائلز کو جلانے سے وہ بچنے والے نہیں ہیں'۔

راہل گاندھی نے ٹویٹ کیا ’’مودی جی فائلیں جلانے سے آپ بچنے والے نہیں ہیں ۔آپ کے سلسلے میں فیصلہ کا دن آنے والا ہے‘‘۔

اس کے ساتھ ہی انہوں نے ایک خبر بھی پوسٹ کی ہے جس میں کہا گیا ہے کہ شاستری بھون میں آج دن میں آگ لگ گئی۔ آگ پر قابو پانے کے لیے فائر بریگیڈ کی چھ گاڑیوں کو سخت محنت کرنی پڑی۔

شاستری بھون میں مرکزی حکومت کے کان، انسانی وسائل کی ترقی، سماجی بہبود، خواتین و بہود اطفال اور کئی دیگر اہم وزارتوں کے دفاتر ہیں۔