گزشتہ پچیس برس قبل پرانی دلّی کے معروف گولڈن ایگل کرکٹ کلب سے کرکٹ کے میدان میں نمایاں خدمات انجام دینے والے کھلاڑی آج اپنے کاروبار میں مصروف ہیں لیکن ان کا جوش کرکٹ کے تئیں آج بھی برقرار ہے وہ اب کرکٹ تو نہیں کھیلتے تاہم دیکھنے کا شوق ضرور رکھتے ہیں۔
ایسے ہی کچھ تجربہ کار کھلاڑیوں سے ای ٹی وی بھارت کے نمائندے نے بات کی تو انہوں نے اپنی پسندیدہ ٹیموں کا ذکر کرتے ہوئے بتایا کہ اس بار ورلڈ کپ میں کون سی ٹیم کامیابی حاصل کر سکتی ہے۔
انہوں نے تمام باریکیوں پر نظر رکھتے ہوئے اور تمام پہلوؤں پر سے پردہ اٹھاتے ہوئے اس بات کا ذکر کیا کہ اس وقت عالمی کپ میں انگلینڈ سب سے مضبوط ٹیم کے طور پر سامنے آئی ہے اور امید کی جا سکتی ہے کہ انگلینڈ اس بار کامیاب ہوجائے۔
حالانکہ انہوں نے اس بات کا بھی ذکر کیا کہ ان کی دلی خواہش ہے کہ بھارت ہی عالمی کپ میں کامیابی حاصل کرے۔
