کورونا نے امیر وغریب کے فرق کو اس وقت ختم کردیا جب اس کے انفیکشن سے امیر وغریب ہر کوئی موت کے منہ میں چلا جارہا ہے۔ سابق ممبر پارلیمنٹ اور ریاست جھارکھنڈ کے بی جے پی کے سابق صدر لکشمن گلووا کا بھی کورونا سے انتقال ہوگیا۔ وہ کورونا میں مبتلا ہونے کے بعد ٹاٹا موٹرس اسپتال میں زیر علاج تھے۔ ان کی موت سے پارٹی میں سوگ ہے۔
بی جے پی قائد بابو لال مرانڈی کے بشمول کئی سیاسی قائدین نے ان کی موت پر رنج وغم کا اظہار کیا ہے۔ لکشمن گلووا کے انتقال پر بابو لال مرانڈی نے کہا کہ یہ ان کے لئے ذاتی نقصان ہے۔ ان کی رخصتی جھارکھنڈ کے لئے ایک ناقابل تلافی نقصان ہے۔ ایشور انہیں اپنے پاؤں میں جگہ دے، اور اہل خانہ کو یہ غم برداشت کرنے کی ہمت عطا کرے۔
