انتخابی مہم کوختم کرنے کا فیصلہ درست: سی پی آئی ایم

سی پی آ ئی ایم کے سرکردہ رہنما سوجن کمار چکرورتی کاکہناہے کہ الیکشن کمیشن کا انتخابی مہم قبل ازوقت ختم کرنے کا فیصلہ بالکل درست ہے۔

سی پی آ ئی ایم کے رہنما کاکہناہے کہ الیکشن کمیشن نے مغر بی بنگال میں جاری سیاسی جھڑپوں کو ختم کرنے کے لیے مقررہ وقت سے24 گھنٹہ قبل انتخابی مہم ختم کرناکافیصلہ درست ہے۔

انتخابی مہم کوقبل ازوقت ختم کرنے کا فیصلہ درست

انہوں نے کہاکہ اس سے بہت حد تک سیاسی پارٹیوں کے درمیان ہونے والی جھڑپوں پرقابو پایا جاسکتاہے۔پارلیمانی انتخابات کے چھ مرحلوں کے دوران جو کچھ بھی ہواس پر افسوس ہے۔سجن چکرورتی کے مطابق حکمراں جماعت ترنمول کانگریس کی وجہ سے مغر بی بنگال کی بدنامی ہو رہی ہے۔حکمراں جماعت اپنے فائدے کے لیے ریاستی اپوزیشن پارٹی کو پہلے ختم کیا اور اس کے بعد بی جے پی جیسی فرقہ پرست جماعت کوپاؤں پھیلانے کا موقع دیا۔