اس عید ملن تقریب میں ایم آئی ایم اور سماجوادی پارٹی کے کئی کارکنان نے بی جے بی میں باضابطہ شمولیت اختیار کی ہے۔
ممبرا میں بھارتیہ جنتا پارٹی کی خواتین سیل کی صدر رداء شیخ کی جانب سے عید ملن تقریب کا انعقاد کیا گیا۔ جس میں مولانا ابوالکلام آزاد مالیاتی کارپوریشن کے چیئرمین حیدر اعظم، اردو اکیڈمی کے صدر احمد رانا،حبیب فقیہ،پارٹی کے تھانہ صدر کنال پاٹل موجود تھے۔
حیدر اعظم نے اقلیتوں کے متعلق چلنے والی سرکاری اسکیموں کو متعارف کراتے ہوئے کہا کہ وزیر اعظم نریندر مودی نے سب کا ساتھ، سب کا وکاس اور سب کا وشواس کی جو بات کہی ہے اس زمرے میں کوئی ایک طبقہ نہیں بلکہ اقلیت بھی شامل ہیں۔
مولانا ابوالکلام آزاد مالیاتی کارپوریشن کی جانب سے ہر برس سینکڑوں طلبہ استفادہ حاصل کرتے ہیں ہم چاہتے ہیں کہ اس کا فائدہ ممبرا کے مسلم طلبہ کو بھی پہنچے اس لیے ہم بہت جلد یہاں اس کی ایک شاخ قائم کرنے جارہے ہیں۔
یہ عید ملن تقریب میں بی جے پی رہنماؤں اور حیدر اعظم نے حریف جماعت اور مقامی ایم ایل اے پر شدید نکتہ چینی کی۔
عید ملن تقریب کی آرگنائزر و خواتین سیل کی صدر رداءشیخ نے کہا کہ بی جے پی کی جانب سے شہر ریاست اور ملک بھر میں کیے جانے والے ترقیاتی کاموں کو دیکھتے ہوئے آج بڑی تعداد میں مختلف سیاسی جماعتوں کے کارکنان نے بی جے پی میں شمولیت کی ہے ۔
