جموں پرس کلب میں گذشتہ تین برسوں سے کنٹریکچیول لیکچرار خیمہ میں رہ کر اپنے افراد خانہ کے ہمراہ احتجاج کر رہے ہیں۔
کل رات جموں میں تیز ہواؤں کے باعث ان کا خیمہ گر کر تباہ ہوگیا جس کی وجہ سے انہیں سڑک کے کنارے سونا پڑا۔
کنٹریکچیول لیکچرار سبزار احمد کا کہنا ہے کہ ’ہم کئی برسوں سے یہاں پر خیمہ زن ہیں لیکن سرکار نے آج تک ہمارے مطالبات پورے نہیں کئے ۔ گورنر انتظامیہ نے بھی وعدے کئے لیکن آج تک نہیں نبھایا اور ڈویژنل کمشنر جموں کی صدارت میں ایک کمیٹی تشکیل دی گئی تاکہ ہمارے مسائل کا حل تلاش کیا جائے لیکن ابھی تک صرف ہمیں تشویش میں رکھا گیا ہے‘۔
ہم سرکار سے گزارش کرتے ہیں کہ ہمیں جلداز جلد مستقل نوکری فراہم کی جائے تاکہ ہمیں اپنا حق مل سکے۔