میونسپل کارپوریشن کے کووڈ سینٹر سہارا ہسپتال میں داخل مشتبہ نوجوان نے راہ فرار اختیار کرلی تھی لیکن پولیس کے خصوصی اسکواڈ نے اس مفرور نوجوان کو گرفتار کرلیا۔اس نوجوان کا نام ماجد عرف ماید محمد شمیشر عمر (24) سالہ اور اس کا تعلق بھاٹ بستی وارڈ نمبر 3 بہار سے بتایا جارہا ہے۔
واضح رہے کہ قلعہ پولیس اسٹیشن میں داخل جنسی استحصال کے معاملے میں پولیس نے اسے گرفتار کیا تھا اور معزز جج نے اسے عدالتی تحویل میں بھیجنے کا حکم دیا تھا۔
اس دوران اسے کورونا مثبت پائے جانے پر پولیس نے سہارا الہسپتال میں داخل کیا تھا۔لیکن نوجوان نے موقع کا فائدہ اٹھاتے ہوئے اچانک راہ فرار اختیار کرلی۔اس واقعے کی اطلاع شہر کے ایڈیشنل ایس پی کو دی گئی موصوف نے فوری طور پر اپنے اسکواڈ کو رامیشور گھوگے اور ان کی ٹیم کو مفرور نوجوان کو پکڑنے کیلئے روانہ کیا۔
اس پر رامیشور گھوگے نے خفیہ معلومات حاصل کی اور انکشاف ہوا کہ ماجد ایک ٹرک کے ذریعے دھولیہ شہر کی طرف روانہ ہوا ہے۔ایڈیشنل ایس پی اسکواڈ نے معلومات کی بنیاد پر دھولیہ شہر سے پہلے ہی نوجوان کو اپنی گرفت میں لے لیا۔واضح رہے کہ اس نوجوان پر سٹی پولیس نے میں اندراج نمبر 29/2021 کے تحت مقدمہ درج ہوا ہے۔
