عام آدمی پارٹی اور کانگریس کے درمیان اتحاد کی امیدیں اب تقریباً ختم ہوتی نظر آرہی ہیں ۔
حالانکہ متعدد بار عام آدمی پارٹی کے سربراہ اروند کیجریوال نےکانگریس سے اتحاد کی خواہش ظاہر کی، لیکن دہلی کانگریس پارٹی کی صدر شیلا دیکشت اتحاد کے لیے راضی نہیں ہوئیں۔
اطلاعات کے مطابق دیگر رہنماؤں سے مشورے کرنے کے بعد کانگریس کے قومی صدر راہل گاندھی نے کہا کہ کانگریس دہلی عام انتخابات تنہا لڑے گی۔
واضح رہے کے ہفتہ کی رات شیلا دیکشت کے گھر ایک میٹنگ کی گئی جس میں دہلی کے سات سیٹوں پر امیدواروں کے نام سے متعلق صلاح ومشورے کیے گئے۔
پارٹی کے ایک رہنما نے کہا کہ دہلی کی سات سیٹوں کے لیے 80لوگوں نے امیدواری کے لیے درخواستیں دی ہیں ،جن میں سے سات ناموں کو فائنل کر کے اعلیٰ کمان کو بھیجا جائےگا ،انہوں نے یہ بھی کہا کہ اتحاد کا فیصلہ بھی صدر راہل گاندھی ہی کریں گے۔
