چندرابابو کی سکیوریٹی میں کمی کرنے کی تردید

ریاست آندھراپردیش کے ڈی جی پی گوتم سوانگ نے سابق وزیراعلیٰ چندرابابو نائیڈو کی سکیوریٹی میں کمی کی اطلاعات کو جھوٹی قرار دیا۔

گوتم سوانگ نے اس سلسلہ میں وضاحت کی کہ نائیڈو کو حقیقی رہنمایانہ خطوط سے کہیں زیادہ سکیوریٹی فراہم کی گئی ہے۔
ڈی جی پی نے کہا کہ وزیراعلیٰ جگن موہن ریڈی نے ریاست میں لا اینڈ آرڈر کے تحفظ کے لیے انھیں کھلی چھوٹ دی ہے۔ انہوں نے کہا کہ ریاست میں امن و امان میں رکاوٹ پیدا کرنے والوں کو بخشا نہیں جائے گا۔
اسی دوران وائی ایس آر کانگریس پارٹی کے رکن اسمبلی و سی آر ڈی اے کے صدرنشین اے راما کرشنا ریڈی نے آج گوتم سوانگ سے ملاقات کی اور انھیں ایک شکایت کرتے ہوئے درخواست کی کہ ریاست میں وائی ایس آر کانگریس پارٹی کے حامیوں پر حملہ کرنے والے تلگودیشم کارکنوں کے خلاف کارروائی کی جائے۔