نائیڈو جو جمعہ کو دہلی پہنچے تھے، نے ہفتہ کو راہل گاندھی،شرد پوار،شرد یادو اور سی پی آئی کے رہنماؤں سے ملاقات کرتے ہوئے مختلف امور پرتبادلہ خیال کیا تھا۔
اتوار کو بھی انہوں نے راہل گاندھی اور شرد پوارسے ملاقات کی۔اتوارکی اس ملاقات کو اہمیت حاصل ہوگئی ہے کیونکہ نائیڈو نے راہل گاندھی اور شرد پوار سے ملاقات کرکے اہم امور پر تبادلہ خیال کیا۔
سمجھا جاتا ہے کہ گزشتہ روز کی لکھنو میں مایاوتی سے چندرابابو کی ہوئی ملاقات کے دوران اپوزیشن کے اتحاد کے حق میں کھل کر مایاوتی کی جانب سے حمایت نہیں کی گئی ہے۔چندرابابو نائیڈو،غیر این ڈی اے جماعتوں کو متحد کرنے کی کوششوں میں شدت پیداکرچکے ہیں تاکہ ان کو ایک ہی پلیٹ فارم پرلاتے ہوئے اگلی حکومت کی تشکیل کو یقینی بنایاجاسکے۔
تلگودیشم سربراہ نے اپوزیشن جماعتوں کے رہنماؤں بشمول ممتابنرجی، اروند کیجریوال اور سیتارام یچوری سے کئی دور کی بات چیت کی ہے۔
