ایوان میں ترنمول کانگریس کے رہنما سدیپ بندواپادھیائے نے کہا کہ مرکز کو ریاستی حکومتوں کے تئیں اپنے فرائض کی ادائیگی میں چھوٹ دی جانی چاہئے۔
انہوں نے کہاکہ ہم دیکھتے ہیں کہ مرکزی حکومت ریاستی معاملات میں مداخلت کرتی ہے۔ایسا ظاہر کرتی ہے کہ وہ پورے ملک میں خود حکومت کررہی ہے۔ مرکزی حکومت کوہدایات اور مشاورت بھیجنے کی عادت ڈال لینی چاہیے۔
مسٹر بندواپادھیائے نے شکایت کی کہ ایسے مسئلے جب بھی لوک سبھا میں اٹھائے جاتے ہیں تو حکمراں پارٹی چھوٹی پارٹیوں کو اپنے خیالات رکھنے کی اجازت نہیں دیتی ہے۔
انہوں نے کہاکہ میں اسپیکر سے درخواست کرتا ہوں کہ آپ دونوں جانب دیکھیں۔
ترنمول کانگریس کے رہنما نے مزید کہاکہ مغربی بنگال سمیت تمام ریاستوں کو مرکزکی مالی مدد کی ضرورت ہے۔ مدد کے نام پر اندرونی معاملات میں دخل اندازی کسی بھی قیمت پر برداشت نہیں ہو گی۔ مغربی بنگال کے پاس پیسہ ہے ۔ریاستی حکومت خود درجنوں اسکیموں کے ذریعہ عوام کی مالی مدد کرتی ہے۔
