جموں: پانی کی قلت سے مویشی بھی متاثر

ریاست جموں و کشمیر کی سرمائی راجدھانی جموں شدید گرمی کی لپیٹ میں ہے جس کی وجہ سے بیشتر علاقوں میں پانی کی شدید قلت سے عوام ہی نہیں مال مویشی بھی اثر انداز ہو رہے ہیں۔

جموں کے مضافاتی علاقہ رگوڈہ میں عوام کو خود کے پینے کے لئے بھی دور سے پانی لانا پڑتا ہے اور علاقے میں تالاب اور ندی نہ ہونے کے سبب مال مویشیوں کی دیکھ بھال میں انہیں کافی دقتوں کا سامنا کرنا پڑتا ہے۔

مقامی باشندوں نے ای ٹی وی بھارت کے ساتھ بات کرتے ہوئے کہا کہ ’’بھینسوں کو پینے کے علاوہ نہانے کے لئے بھی پانی درکار ہوتا ہے‘‘ اور گرمیوں میں انہیں مویشیوں کو توی دریا لے جانا پڑتا ہے۔

انکا کہنا تھا کہ توی دریا لانے لے جانے میں کافی وقت صرف ہوتا ہے علاوہ ازیں دریا کے تیز بہائو میں اب تک کئی مویشی ڈوب چکے ہیں۔

اس حوالے سے انہوں نے ضلع انتظامیہ سے رگوڑہ علاقے میں مویشیوں کے لئے تالاب بنانے کا مطالبہ کیا ہے۔