سی بی آئی نے کلکتہ ہائی کورٹ میں شاردا چٹ فنڈ بدعنوانی کیس میں ملوث کلکتہ پولیس کے سابق کمشنر راجیو کمارکے خلاف جلد سے جلد سماعت شروع کرنے کی اپیل کی تھی۔
کلکتہ ہائی کورٹ نے کہا کہ سی بی آئی کو گھبرانے کی ضرورت نہیں ہے۔ سماعت کی رفتار بالکل درست ہے۔ اس میں تیزی لانے کی کیا ضرورت ہے۔ سی بی آئی کو صبر سے کام لینا چاہیے۔
عدالت نے کہا کہ شاردا چٹ فنڈ بدعنوانی کیس پرعدالت کی باریک نظر ہے اور اس کیس میں ملوث تمام افراد پرنظریں مرکوز ہیں۔ سی بی آئی کی جلد سے جلد سماعت کرنے کی عر ضی پر فی الحال غور کرنے کی ضرورت نہیں ہے۔
عدالت نے بتایا کہ آئندہ 2 جولائی کے آ خری ہفتے میں شاردا چٹ فنڈ کیس کی سماعت ہونی ہے اس سے پہلے اس پر غور نہیں کیاجا سکتا ہے۔
