مغربی بنگال بھارتیہ جنتا پارٹی کے صدر دلیپ گھوش نے کہا کہ گذشتہ سال آئے امفان طوفان سے سبق حاصل کرتے ہوئے ریاستی حکومت نے جس طرح یاس طوفان سے نمٹا ہے، اس کی تعمیر کی جانی چاہیے۔
دلیپ گھوش کا کہنا ہے کہ ہر جگہ اور ہر معاملے پر سیاست نہیں کی جانی چاہیے۔ انہوں نے کہا کہ گذشتہ سال 21 مئی 2020 کو جنوبی 24 پرگنہ امفان طوفان سے نمٹنے میں ریاستی حکومت پوری طرح ناکام ہوئی تھی۔ بی جے پی کے رہنما کا کہنا ہے کہ اس طوفان کے بعد ریاستی حکومت کے چند وزرا بدعنوانی کے جو کارنامے انجام دیے اسے کبھی بھلا نہیں جا سکتا ہے۔
رکن پارلیمان کے مطابق گذشتہ سال قدرتی آفات سے نمٹنے میں ناکامی کے بعد ممتابنرجی کی حکومت کو بڑی تنقید کا سامنا کرنا پڑا تھا۔ تنقید اور ناکامی سے ممتا بنرجی کی حکومت نے بہت کچھ سکھا ہے۔
انہوں نے کہا کہ یاس طوفان کی پیش قیاسی کے بعد سے ہی ریاستی حکومت نے جس طرح سے تیاری کی ہے وہ قابل تعریف ہے۔ انہوں نے اس طرح آگے بھی اقدامات کو جاری رکھنے کی امید کا بھی اظہار کیا۔
