امت شاہ کی ریلی منسوخ

مغر بی بنگال میں آئندہ19 مئی کو پارلیمانی انتخابات کے ساتویں اور آ خری مرحلے کی پولنگ سے قبل بی جے پی کے قومی صدر امت شاہ کا انتخابی ریلی کو منسوخ کردیا گیا ہے۔

مغر بی بنگال پردیش بی جے پی کے مطابق جادب پور میں بی جے پی کے قومی صدر امت شاہ کے جلسے کی اجازت نہیں ملی۔ٓ زمین کے مالک نے ریلی کے لیے اپنی زمین دینے سے انکار کردیا ہے۔اس کے علاوہ ہیلی کاپٹر کے لینڈنگ کے لیے زمین نہیں مل رہی ہے۔ریاستی بی جے پی کی میٹنگ جاری ہے۔انہوں نے کہاکہ جادب پور کے علاوہ کینگ اور بروئی پور تھانے علاقے میں امت شاہ کی انتخابی ریلی میں شرکت کرنی ہے۔
ضلع پولیس انتظامیہ کا کہنا ہے کہ امت شاہ کے ہیلی کاپٹر کے لینڈنگ کے لیے ہیلی پیٹ نہ ہونے کی وجہ سے ضلع انتظامیہ اجازت دینے سے انکار کردیا۔ اس کے علاوہ زمین کے مالک انتخابی جلسہ اور ہیلی پیٹ کے لیے اپنی زمین نہیں دے رہا ہے۔انہوں نے مزیدکہا کہ ہم اب بھی کوشش کر رہے ہیں کہ امت شاہ کی انتخابی ریلی میں شرکت کی راہ ہموار بنائی جائے۔