انہوں نے کہاکہ شمالی پر گنہ کے بیرکپور سب ڈویژن میں سیاسی پارٹیوں کے حامیوں کے درمیان جھڑپیں نہیں ہو رہی ہیں بلکہ بی جے پی کے دوگروہوں کے درمیان لڑائی میں لوگ مارے جا رہے ہیں
جیوتی پریہ ملک نے کہاکہ بی جے پی کے کارکنان میں آ پسی لڑائی میں ہلاک ہو رہے ہیں، بی جے پی کے رہنما خود کو بچانے کے لیے سارا معاملہ پولیس انتظامیہ پر ڈال دے رہے ہیں۔
ترنمول کانگریس کے رہنما کے مطابق پولیس کی وجہ سے بیرکپور سب ڈویژن کا ماحول ابھی تک ٹھیک ہے ورنہ یہاں فساد برپا ہو جاسکتاتھا۔ لوگوں نے بھی پولیس انتظامیہ کے ساتھ قدم سے قدم ملا کر ماحول پرُامن بنائے رکھنے کی کوشش کر رہے ہیں۔
انہوں نے مزید کہاکہ پارلیمانی انتخاب کے نتائج کے بعد بیرکپور میں ماحول اچانک بدل گیا۔ اس کے پیچھے کوئی اور نہیں بلکہ دوغداررہنمااوران کےبیٹے ہیں۔
غدار رہنماوں نے الیکشن جیتنے کے بعد انتقامی کارروا ئی کرتے ہوئے اپنی پارٹی کے کارکنان کو ہلاک کر رہے ہیں۔
جیوتی پریہ ملک کے مطابق بی جے پی سازش کے تحت جگتدل اور بھاٹ پاڑہ میں تشدد کابازارگرم کررکھاہے جس سے عام لوگ خاص طور پراقلیت زیادہ پریشان ہیں۔
